İspaniya Azərbaycanlıları ilə suallarınıza cavab.

-

Ad, soyadınız və yaşınız?

- Aygün Əliyeva, 38 yaş

- Neçə müddətdir İspaniyada yaşayırsınız?

- 6 il

- İspaniyaya getməyə necə qərara gəldiniz?

- İş ilə bağlı uzunmüddətli ezamiyyə

- Niyə məhz İspaniya?

- mən seçmədim

- İlk vizanızı necə aldınız?

- Ankaradakı səfirlikdən d tipli viza aldım

- İlk 5 ayda nə kimi çətinliklərlə üzləşdiniz?

- vətənim üçün çox darıxırdım + yeni həyata öyrəşmək asan deyildi.

- Adaptasiya müddəti necə idi? Tez və ya gec?

- məndə 2 il sürdü tam adaptasiya

- Köçdüyünüz şəhər gözləntilərinizi qarşıladımı?

- həddindən çox

- İspaniyanın 5 müsbət tərəfi?

- Yolları əladır, nəqliyyat sistemi superdir, insanları mehribandır, meyvə-tərəvəz ilboyu olur, demək olar ki, bütün xidmətlər elektronlaşıb.

- İspaniyanın 5 mənfi tərəfi?

- bürokratdırlar, tələsmirlər, həddindən çox və uzun-uzadı söhbət etməyi sevirlər, burada da yaxşı həkimi axtarmaq lazımdır, dəmləmə çay heç yerdə yoxdur

- İspaniyada yaşayarkən Azərbaycanda ən çox nə üçün darıxırsınız?

- vətənim üçün darıxıram, hər şey daxil.

- Azərbaycan yoxsa ispan mətbəxi? İspan mətbəxi haqqında fikirləriniz? Ən sevdiyiniz milli yeməkləri?

- Azərbaycan mətbəxi. Ən çox kofelərini sevirəm, hərdən çurros, hərdən də paella

- Gündəlik Azərbaycan yoxsa ispan milli yeməklərinə üstünlük verirsiniz? Hansı Azərbaycan yeməyini orada hazırlamaqda çətinlik çəkirsiniz?

- evdə ancaq öz yeməklərimizi bişirirəm. Çətinlik çəkmirəm, təkcə yarpaq və bəzi göyərtilər yoxdur.

- Milli bayramlarımızı qeyd edirsiniz?( Novruz və s.)

- mütləq

- Azərbaycan xəbərlərini izləyirsiniz?

- ancaq sosial şəbəkələrdən

- Nə vaxtsa təməlli olaraq Azərbaycana qayıtmağı düşünürsünüzmü?

- əlbəttə

- Azərbaycan və İspaniyanın bənzər xüsusiyyətləri?

- meyvələri dadlıdır

- İspaniyada sizə qəribə gələn şeylər?

- insanlar üzbəüz gələndə salamlaşmaq əvəzinə sağollaşır.

- İspaniyada olan Azərbaycanda olmayan nəyi buraya gətirmək istərdiz? (Bu bir adət - ənənə də ola bilər)

- Hər yerə daxil olanda salamlaşmağı, insanların gülümsər üzlərini və ən çox da məktəblərdə uşaqların azad olması.

- İspanların sizə ən qəribə gələn adət- ənənəsi­?

- qeyri-adi heç nə görmədim, hamısı izaholunandır.

- Düzdür ki, ispanlar əylənməyi çox sevir və heç nəyi dərd etmirlər?

- düzdür

- İspanlar deyirlər yeni ildə gecə saat 12 olanda 12 üzüm yeyirik. Siz də bu adəti yerinə yetirirsiz?)

- bu il ilk dəfə etdim

- İspan dostlarınız var? Ümumiyyətlə gündəlik əlaqədə olduğunuz insanlar daha çox hansı ölkələrdəndir?

- burada çox dostum yoxdur, təkcə bir yaxşı qonşum var, o da portuqaldır

- İş tapmaqla bağlı çətinlikləriniz olubmu?

- axtarmamışam

- Hansı sektorda işləyirsiniz? Maaşınız İspaniyanın həyat səviyyəsi ilə uyğunlaşır?

- jurnalistəm. Məni qane edir.

- İspaniyada ev kiralamaq yoxsa almaq? Tək yoxsa mənzil bölüşərək yaşamaq daha avantajlıdır? -

- təbii ki daimi gəlirlə almaq həmişə yaxşıdır. Gənclər üçün isə bölüşmək.

- İspaniyada hansı məhsulların qiyməti sizə baha, hansıların daha ucuz gəlir?

- süd, balıq, yumurta, meyvə və tərəvəz digər Avropa ölkələrinə görə çox ucuzdur. Həmçinin benzin qiymətləri

- Bir insanın orta aylıq xərci nə qədərə çatır?

- 2000 avro ilə orta yaşamaq olar.

- Kommunal xərclər, internet və mobil danışıqlar üçün nə qədər xərcləyirsiniz?

- iki aydan bir ortalama 300 avro tələb olunur.

- Kafe və restoranlara insanlar nə sıxlıqla gedir?

- orda yaşayırlar. Hər gün gedən insanlar çoxdur.

- Deyirlər ispanlar çox və hündürdən danışırlar. Bu sizi sıxır?

- Bəzən səs başıma düşür.

- Çox pulunuz olsaydı Ispaniyada nəyin əsasını qoyardınız? Hansı bizneslə məşğul olardınız?

- Bu barədə düşünməmişəm. Çox pulum olanda düşünərəm).

- İspaniyada ən çox hansı sektorun işçiləri qazanır? –

- Əvvəllər turizm az qazanmırdı. Amma yəqin ki tekstil, qida sənayesi və ağır sənaye.

- İspanlıların xaricilərə olan münasibəti?

- İspanlar hamıya qarşı lyaldırlar. Onların şəxsi həyatına müdaxilə etməyən hər kəsə qarşı normal və isti münasibət bəsləyirlər.

- Qaldığınız şəhər nəyi ilə məşhurdur?

- Madrid paytaxtdır. Orda hər şeydən bir az var.

- İspaniyanın ən sevdiyiniz şəhəri? Və gəzməli görməli yerlər arasında haraları məsləhət görərdiniz?

- Ən çox Madridi sevirəm. Ondan sonra isə Bilbao və Vigo

- İldə neçə dəfə səyahət edirsiniz? Və haralara?

- Səyahət etməyi sevmirəm. Amma demək olar ki dünyanın yarısında olmuşam.

- Övladlarınızın dostlarına nəzarət edirsiniz? Övladlarınızın bir ispan yoxsa Azərbaycanlı kimi böyüməsini istərdiniz?

- dostlarını tanıyıram və nəzarət edirəm. Övladlarımın yaşadıqları yerin qanunlarına uyğun, amma milli kimliyini qoruyan biri olmalarını istəyirəm və elədirlər.

- Həyatını İspaniyada qurmaq istəyən gənclərə nə kimi tövsiyyələriniz var?

- Mütləq dili bilmək lazımdır. Qalan hər şey şansa və bacarığa bağlıdır.

Suallarımızı cavablandırdığı üçün İspan Dili Mərkəzi ailəsi adından Aygün xanıma təşəkkür edirik!