"Gazpaço"-nun hazırlanması

Gazpaço ən  isti ayların ən böyük klassik dadıdır. Sərinləşdirici olduğu qədər də natural inqredientləri özündə birləşdirən sağlam bir içki bəzilərinə görə isə soyuq supdur. Hər kəs öz zövqünə uyğun dəyişiklik edə bilir amma biz sizə ənənəvi əndəluz qazpaçosunun  reseptini yazacağıq.

Lazimi inqredientlər:

1 kiloqram yetişmiş pomidor 1 yaşıl bibər Yarı soğan Yarı xiyar  Yarı qırmızı bibər  2 xörək qaşığı sirkə  50 gr çörək dilimi  Soyuq su 2,3 xörəkqaşığı zeytun yağı  Duz Hazırlanma qaydası: Pomidorları və yaşılbibəri yaxşı yuyuruq Pomidorların qabığını çıxarıb 4 hissəyə bölürük və blenderə əlavə edirik. Bibərin tumlarını çıxarandan sonra qalın hissələrə ayırır və onu da blenderə əlavə edirik. Xiyarı soyub 4 hissəyə doğrayırıq  Sarımsaqı və soğanı soyur 4 hissəyə ayırırıq. Onları da digərlərinin üstünə əlavə edirik. 

Və çörəyi də əlavə etdikdən sonra nəhayət hamısını birlikdə qarışdırırıq . Əgər çörək bərkdirsə suda biraz saxladıqdan sonra əlavə etmək daha məsləhətlidir.   Yaxşıca qarışdırdıqdan sonra daha yumşaq (maye kimi) olmasını istəyiriksə süzgəcdən keçiririk.  Daha duru olmağını istəyirsinizsə soyuq su daha qatı olmasını istəyirsinizsə çörək əlavə edə bilərsiz  Servis etməzdən əvvəl Soyuducuda bir neçə saat qalmalıdır. Əgər vaxtınız yoxdursa dərin dondurucuya qoyabilərsiniz . Soyuducuda saxlasanız 3,4 gün ərzində qəbul edə bilərsiniz.  Əlavə olaraq qeyd edək ki, blenderdə qarışdırdıqdan sonra üzərinə xırda doğranmış bibər və ya zövqünüzə görə başqa tərəvəz və ya ət əlavə edə bilərsiniz.  Yaxşı və dadlı bir gazpaçonun sirri onun inqredientlərinin keyfiyyətindədir. Məsələn pomidorun yaxş yetişmiş qırmızı olduğuna fikir vermək lazımdır.