Biz kimik?

"Azərbaycanda ispan dilinin inkişafını hədəfləyən İspan Dili Mərkəzi ümumi ispan dili, DELE hazırlığı, tərcümə xidməti, İspaniyada təhsil, çoxsaylı mədəni tədbirlərin həyata keçirilməsi və s. sahələr üzrə fəaliyyəti həyata keçirən Məhdud Məsuliyyətli Cəmiyyətdir"

İspan Dili Mərkəzi 10 Fevral 2016-cı il tarixində Aysu Rüstəmova tərəfindən yaradılmışdır. Mərkəzin əsas məqsədi Azərbaycanda ispan dilinin inkişafını təmin etməklə yanaşı, bu dilə marağı olan gənclərin düzgün istiqamətləndirilməsidir. Qeyd etməliyik ki, ispan dili 20-dən çox ölkənin rəsmi dövlət dilidir. Məhz bu səbəbdən ispan dilinin əhəmiyyəti həm iş dünyasında, həm də sosial həyatda durmadan artır. Nəticə etibarilə, ölkəmizdə bu dili öyrənən insanların sayında artım tendensiyası müşahidə olunur. Bütün bunları nəzərə alan İspan Dili Mərkəzi tələbə qəbulunu əvvəlki illərdən fərqli olaraq ildə 2 dəfə (sentyabr və fevral aylarında) deyil, ilin hər bir dövründə həyata keçirir.

İspan Dili Mərkəzi ölkənin qabaqcıl dövlət təşkilatları ilə bir sıra uğurlu layihələr həyata keçirmişdir. Buna nümunə olaraq Mərkəzin 2019-cu ildə Asan Xidmətlə , 2017-ci ildə"Yeni Yol" İctimai Birliyi ilə birgə həyata keçirdiyi layihələri qeyd edə bilərik. Layihə çərçivəsində iyirmidən çox gənc Mərkəzimizdə ödənişsiz olaraq ispan dili dərslərindən faydalanmışdırlar.

İspan Dili Mərkəzi tələbə qəbulunu aşağıdakı qaydada həyata keçirir:

- Müraciət edən hər tələbə ilk olaraq ödənişsiz açıq dərsə dəvət olunur.

- Açıq dərsdə iştirak etməklə tələbə həm dərs materialları, həm də dərs metodikası ilə yaxından tanış olur.

- Açıq dərsdən sonra tələbə dərs günlərini müəyyənləşdirərək müqavilə bağlayıb növbəti həftədən dərslərə başlayır.

Mərkəz ispan dilinin tədrisini Telegram və Facebook kimi müxtəlif platformalar üzərindən də həyata keçirir. Belə ki, Mərkəz Telegram qrupu vasitəsilə online formada dərs materialları paylaşaraq gənclər üçün bu dilin öyrənilməsini daha əlçatan edir. Digər tərəfdən qeyd edək ki, ölkə üzrə ispan dilinin tədrisinə yönələn ən böyük Facebook qrupu da məhz İspan Dili Mərkəzinə məxsusdur. Bu qrupda da müəllimlərimiz tərəfindən gündəlik olaraq dərs materialları, videolar, ispan mədəniyyəti ilə bağlı maraqlı məlumatlar paylaşılır, tələbəərin ispan dili ilə bağlı sualları cavablandırılır. Bu qrup eyni zamanda tələbələr arasında tədris materiallarının mübadiləsini mümkün edir.

Bizi tanı: Ben Kimim?